Content feed Comments Feed


nga Aida Shtino
NJEREZ TE HUMBUR nga Aida Shtino. Emisioni social me I ndjekur ne Shqiperi eshte kurorezim I nje procesi te gjate hulumtimesh dhe te dhenash investigimi rreth fatit te personit te humbur qe kerkohet. Investigimi starton qe nga kontakti I fundit I pohuar nga te afermit, dhe me pas ai vazhdon me nje numer te pafund kontaktesh, telefonatash, kerkimesh. I gjithe informacioni sigurohet mbi bazen e deshmive nga personazhe te aferm apo miq te personit te zhdukur.

Pas dy sezoneve te suksesshem te pasuar nga nje sere gjetjesh pikante, stafi i “Njerez te Humbur” premton po te njejten force e perkushtim per te rikthyer me qindra shqiptare te humbur prane familjeve te tyre. Mos nguroni te kontaktoni, behuni dhe ju pjese e ketij misioni human. Nje telefonate e juaja mund te rilind nje shprese dhe te riktheje buzeqeshjen ne fytyrat e pervuajtura.

ON AIR: e Premte, ora 21:00
Nga 19 shtator 2009


Aida Shtino: Ne "Klan" me shume mundesi per te gjetur te humburit
Interviste me Aida Shtino (04 Shtator 2008 "Koha Jone")

Nje qytet i zhytur deri diku ne erresire. Pas xhamave, njerez qe dike presin te vije, sepse mes tyre ai mungon. Eshte ky me pak fjale koncepti i skenografise se emisionit "Njerez te humbur", qe do te nise se shpejti ne ekranin e Televizionit Kombetar "Klan", duke synuar te ktheje prane familjeve te munguarit. Dosje te reja te grumbulluara gjate diteve te veres, por edhe histori te meparshme, presin te marrin tashme pergjigje me fillimin e emisionit ne Televizionin "Klan". Drejtuesja dhe ideuesja e ketij programi Aida Shtino se bashku me stafin kane nisur tashme punen konkrete ne zyrat e reja. Por shume shpejt, studioja e perfunduar do te kthehet ne shtepine e perjetimit te emocioneve njerezore, ndersa stafi profesionist dhe teknologjia e fundit, qe Televizioni "Klan" ve ne dispozicion do t'i japin rruge zbardhjes se shume te vertetave njerezore.

Ku eshte deri tani puna per fillimin e emisionit dhe kur do t'ju shohim ne ekran?

Mendoj se shume shpejt dhe besojme se nga mesi i shtatorit do te jemi ne transmetim. Por momentin jemi duke punuar per krijimin e studios, qe fale punes se skenografit Bashkim Zahaj dhe nje stafi te gjere profesionistesh do te jete gati.

Ku e gjen veten Aida ne keto dite te para ne "Klan"?

Puna ka filluar tashme me intensitetin e saj te plote. E ndiej veten mire, sepse te them te drejten, ne "Klan" me kane pritur shume mire dhe qe ne ditet e para me eshte dukur sikur kisha qene aty prej kohesh.

Cfare risish sjell ky program ne sezonin e ri?

Duke ruajtur formatin qe ka prej tre vjetesh, ne kete sezon emisioni i jep hapesire me te gjere nje rubrike disi me soft, te cilen ne kemi tentuar edhe me pare ta prekim. Eshte "Pako kujtimesh", qe kete radhe do te zere me shume vend, por sigurisht duke mbajtur thelbin e programit, qe eshte gjetja e njerezve te humbur.

Si ka qene fluksi i rasteve te denoncuara me mberritjen tuaj ne televizionin "Klan" edhe pse ne nje periudhe pushimesh?

Me vjen shume keq qe e them kete, por cdo dite ketu ne "Klan", nje gazetar pret deri ne 15 raste te reja, nje numer pra relativisht i larte. Kjo tregon, se nuk kemi te bejme me nje emision, por me nje mision, qe duhet realizuar. Duhet thene, se emisioni "Njerez te humbur" eshte dege e fondacionit kombetar me te njejtin emer. Ne zoterojme database-n me te madh te te humburve, qe shkon ne 2 mije persona te denoncuar ne fondacionin "Njerez te humbur".

Mendoni se kalimi ne Televizionin Kombetar "Klan" iu jep me shume mundesi njerezve qe kerkojne te afermit, per te mesuar te verteten dhe vendndodhjen e tyre?

Po. Dhe kjo ishte nje prej arsyeve, qe ne vendosem te levizim duke shkuar ne nje televizion me te madh, i cili ka edhe suport me te madh ndaj emisionit. Mendoj, se ketu do te kemi mundesi me shume per te arritur qellimin tone, per te gjetur te humburit.

Po punoni me te njejtin staf?

Dua te them, qe disa pjesetare nga stafi i kaluar me deshiren e tyre nuk jane me me ne. Ne vazhdojme punen me pjesen tjeter te stafit dhe me nje pjese te konsiderueshme te tij, e cila eshte marre ne baze te shume audicioneve. Pervec stafit qe do te dali ne emision do te kemi edhe nje pjese tjeter gazetaresh, te cilet do te jene prapavija e emisionit. Ata pak a shume do te luajne edhe rolin e dedektivit, per te gjitha investigimet, qe ne do te bejme, si brenda Shqiperise ashtu edhe jashte saj.

Rastet, qe ju duhet te kerkoni, jane me teper jashte apo brenda vendit?

Shumica e shqiptareve i kane humbur kontaktet me familjaret jashte territorit te vendit, por kjo nuk do te thote, qe nuk ka edhe brenda Shqiperise raste te denoncuara, sic jane p.sh, femijet e zhdukur.

Si arrini t'i merrni informacionet jashte vendit?

Emisioni ka tre vjet, qe eshte ne transmetim dhe ne jemi te konsoliduar duke krijuar celula ne cdo vend te botes, qe nga kontinenti Amerikan, Australi dhe Evrope. Bashkepunetoret jane pjesa me e rendesishme e emisionit dhe kete vit do te mbeshtetemi tek nje numer shume i madh bashkepunetoresh.

Aida, ju vete sa i perjetoni ngjarjet, qe transmetoni?

Normalisht, qe i perjetoj, sepse perpara se te jem gazetare, jam njeri dhe sidomos jam femer. Lodhem shpirterisht me cdo rast, jo vetem une, por gjithe stafi, megjithate mundohem qe ta mbaj veten si gjate oreve te emisionit ashtu edhe kur flas me familjaret. Duhet, qe atyre t'ju percjell besimin dhe sigurine, qe kane me ardhjen e tyre ne emision. Megjithate pas emisionit, dua dy ore te marr veten, sepse vertet jane histori te dhimbshme. Cdo njeri nje here te vetme ta vendose veten ne vendin e familjarit, per te kuptuar dhimbjen, qe ka secili kur humb te dashurin e vet.

Ekrani i ri me ambicie te reja

Ambicie te reja, qe i kalojne synimet e nje emisioni duke u shnderruar ne nje mision njerezor. "Nuk perpiqemi te bejme show me dhimbjen e ketyre njerezve", shprehet Aida Shtino. "Per ne eshte nje mision, na duket vetja misionare, qe na eshte dhene nje mision dhe do ta cojme deri ne fund. Pavaresisht pengesave, qe mund te hasim rruges, kthim prapa nuk ka", vazhdon ajo. Ne kuader te ketij misioni jane te gjitha levizjet, te gjitha pergatitjet, te gjithe bashkepunetoret dhe te gjitha investimet e bera nga Televizioni "Klan", qe ka vene ne sherbim te dhimbjes njerezore gjithe kapacitetin e tij.

Perparesite qe ofron televizioni "Klan"

Mbulim me sinjal brenda dhe jashte kufijve, ne disa kontinente

Lidhje direkte permes satelitit me bashkepunetoret

Lidhje direkte me emisionet analoge, qe zhvillohen ne bote

Teknologji te perparuar

Audience te larte

Televizioni, qe krijon hapesira bashkepunimi ne te gjithe globin

Nje pune dinjitoze dhe profesionale. Ka qene kjo arsyeja qe e ka bere Aida Shtinon te zgjedhe Televizionin "Klan", per te vijuar me fuqishem se kurre maratonen e gjate ne permbushje te nje misioni njerezor. Dhe "Klan", siguron ne kete bashkepunim, jo vetem, mbulimin me sinjal ne te gjithe vendin, por edhe shtrirjen jashte kufijve ne disa kontinente. Gjithashtu permes ketij televizioni dhe shikueshmerise se tij te larte, gazetarja dhe stafi i saj, synojne qe te jene sa me prane familjeve, qe vuajne humbjen e anetareve te tyre. Ekrani i "Klan" jep hapesira bashkepunimi ne te gjithe globin. Ai ofron mundesi per lidhje direkte nepermjet satelitit me shume shtete te botes, per te investiguar ne terren, aty ku ndodh ngjarja, aty ku ka humbur personi, do te bejne, qe gjetja e tyre te jete me e lehte dhe ne nje kohe rekord. Emisioni, i rikthyer tashme ne transmetim diten e premte ne mbremje, do te marre vlera te vecanta edhe fale lidhjeve te drejtperdrejta me emisionet analoge, qe zhvillohen ne vende te ndryshme te botes, paralelisht ne te njejten nate. Kjo lidhje behet e mundur fale teknologjise se perparuar te Televizonit Klan. Shume produktiv pritet te jete edhe komunikimi me disa nga zyrat investiguese me te mira ne bote, te cilat kane pervoje ne gjetjen e personave te humbur dhe te zhdukur. Gjate ketij sezoni ne vazhdim hapesire dhe rendesi te madhe do te kete edhe trajtimi i rasteve te shumta te paraqitura nga shqiptaret e Kosoves, Maqedonise dhe Malit te Zi.

Rreth emisionit “Njerez te humbur”
(Historik i themelimit te emisionit)

Fillesat

Emisioni “Njerez te humbur” i ka fillesat qe prej 15 prillit te vitit 2005 me transmetimin ne televizionin lokal Telenorba Shqiptare (TNSH). Ne ate kohe emisioni mbante titullin “Ku Je?” dhe transmetohej live, 5 here ne jave nga e hena – premte ne oren 21:00. Qe ne fillesat e ketij emisioni drejtuese, ideatore dhe koordinatore ka qene znj. Aida Shtino. Ajo vinte ne Shqiperi pas 13 vitesh emigrimi ne Greqi ku kishte studiuar per gazetari investigative dhe kishte punuar per shume kohe si gazetare ne shtypin e shkruar dhe ate elektronik. Vitet e fundit ajo kishte fituar nje eksperience te madhe ne emisionin “Fos sto tounel” ne televizionin “Alter”, i cili merrej me kerkimin e personave te humbur dhe te zhdukur mes te cileve edhe shume shqiptare. Duke pare qe rastet e shqiptareve te humbur ne Greqi shtoheshin ne emisionin e Angeliki Nikoloulit dhe nuk kishin mundesine te publikoheshin te gjithe ne kohe, ajo mendoi qe nje format i ngjashem te zhvillohej dhe ne Shqiperi per t’ju ardhur ne ndihme sa me shume familjeve shqiptare.
Misioni dhe themelimi
Duke pare qe “Njerez te humbur” vazhdonte te pasurohej me raste gjithnje e ne rritje, u vu re se kishim te benim me nje fenomen, me nje plage te dhimbshme te tranzicionit shqiptar. Per kete lindi nevoja e ngritjes se nje institucioni i cili do te merrej me kerkimin e shqiptareve te humbur neper vende te botes. Mos ekzistenca e nje sektori te posacem ne organet shteterore qe kerkonte njerezit e humbur, e beri akoma me te nevojshme ngritjen e Fondacionit Kombetar “Njerez te humbur” ne fillim te vitit 2006. Ky fondacion merrte persiper kerkimin e njerezve te humbur dhe te zhdukur nga te gjitha trevat shqiptare perfshire ketu: Kosove, Maqedoni, Mal i Zi. Qe nga moment i krijimit te kesaj strukture, familjaret e personave te humbur kane denoncuar rastet e tyre prane fondacionit dhe ne statusin e krijimit te fondacionit “Njerez te humbur” parashikohej qe kjo OJF kishte te drejten e krijimit te spoteve publicitare ne median e shkruar dhe elektronike dhe pasqyrimin e rasteve nepermjet nje emisioni (Njerez te humbur) i cili do te ishte pjese perberese dhe e pandare e ketij fondacioni. Rastet te cilat do te pasqyroheshin ne emision, perzgjidheshin me pare nga bordi drejtues i Fondacionit “Njerez te humbur”. Te gjithe familjaret qe denonconin humbjen e te afermve te tyre nenshkruanin nje deklarate ne forme marreveshje bashkepunimi me kete fondacion ne menyre direkte dhe indirekt me emisionin (i cili eshte pjese perberese e fondacionit). Ne kete deklarate sqarohej qe familjaret e personave te humbur, nuk ishin te detyruar te paguanin asnje lloj vlere monetare per kerkimin e personit te humbur (pra kerkimet kryhen falas) dhe autorizonin znj. Aida Shtino me stafin e saj qe te kryenin kerkime per personin e tyre te humbur.
Nen emrin dhe logon “Njerez te humbur”, emisioni nisi transmetimin ne daten 22 shtator 2006.
Pervecse pjese perberese e Fondacionit Kombetar “Njerez te Humbur”, ky emision u regjistrua qe ne fillim ne Zyren e Markave dhe Patentave ne pronesine intelektuale te ketij fondacioni duke u mbrojtur nga legjislacioni ne fuqi i Republikes se Shqiperise mbi “Te drejtat e Autorit”. Regjistrimi perfshin logon me te gjitha detajet e mundshme ne vecanti dhe permbajtjen e emisionit ne teresi.
Misioni i “Njerez te humbur” eshte “kerkimi i shqiptareve te humbur dhe te zhdukur neper bote”. Motoja e emisionit eshte pothuajse gjithmone e njejte:
“Le te bashkohemi te gjithe dhe t’i kthejme keta njerez ne shtepi. Ndihmo dhe ti…!”.
Emisioni eshte konceptuar si nje show socialo – investigativ duke pasqyruar realitetin e hidhur te familjeve shqiptare te cilave u mungojne njerezit e tyre te dashur por gjithashtu duke sjelle dhe emocione te papershkrueshme ne momentet kur gjendej nje njeri i humbur.
Ky emision social eshte kurorezim i nje procesi te gjate hulumtimi te dhenash dhe investigimi te personit te humbur qe kerkohet. Perparesi u jepen rasteve te femijeve te humbur apo rrembyer si dhe moshave te thyera. Hetimet shtrihen qe nga kontakti i fundit i pohuar prej te afermve dhe te njohurve te personit te humbur e deri tek informacionet e fundit te mberritura ne emision. Nje pjese e informacioneve sigurohen nga fondacioni ndersa pjesa me e madhe vijne nepermjet telefonatave te drejtperdrejta gjate emisionit apo diteve te javes nga shqiptaret anembane botes. Pjesa tjeter nepermjet postes elektronike (e-mail) ose nepermjet letrave postare. Vezhgimet ne terren nga ana e gazetareve (brenda dhe jashte Shqiperise), bashkepunimi me korrespondentet, vullnetaret e institucionet perkatese bejne qe te nxirren pistat e para per hetimin e rastit.
Nje rendesi te vecante kane dhe lidhjet direkte me emisionet analoge te cilat kane bashkepunim te ngushte me emisonin “Njerez te humbur”. Mund te permendim disa nga me kryesoret si:
- “Fos sto tounel” ne Tv Alter, Greqi
- “Chi l’ha visto?” ne Tv Rai 3, Itali
- “Vermist” ne Tv Tros, Hollande
Korrespondentet dhe vullnetaret ne te gjitha shtetet kryesore te botes nepermjet lidhjeve direkte satelitore apo sherbimit te videokonferences raportojne ne kohe reale informacionet dhe kerkimet per personat e humbur.
Ne cdo emision te radhes, publikohen rreth 60 foto te personave te humbur ku rreth 20 prej ketyre rasteve trajtohen gjeresisht ne studio duke marre informacionet e nevojshme nga teleshikuesit.
Ne cdo edicion te ketij emisioni eshte tentuar te trajtohen histori te kategorive te ndryshme duke u dhene keshtu mundesine shume familjeve qe te publikojne rastet e tyre.
Gjate periudhes shtator 2006 – korrik 2007 emisioni zhvillohej cdo dite te premte ne oren 21:00 dhe zgjaste perafersisht 5-6 ore.
Ne sezonin e dyte (shtator 2007 – korrik 2008) tek ky televizion, ndryshoi dita e transmetimit nga e premte ne te shtune, po ne te njejten ore, 21:00.
Gjate kesaj kohe u arrit te gjenden shume njerez dhe emisioni kapi rekorde ne audience jo vetem ne Shqiperi por ne te gjitha trevat ku jetonin dhe punonin shqiptaret neper bote.
Bashkepunimi me televizionin lokal Vizion Plus vazhdoi nga korriku i vitit 2006 deri ne muajin gusht 2008.
Nga gushti i vitit 2008, Fondacioni “Njerez te Humbur” nisi nje bashkepunim te ri me Televizionin Kombetar TV KLAN.
Nga muaji shtator 2008 e ne vazhdim, emisioni “Njerez te humbur” rikthehet ne transmetim te drejtperdrejte cdo dite te premte ne oren 21:00 ne Tv Klan.
Ne kete sezon te ri tek ky televizion, “Njerez te humbur” vjen me nje sere risish, duke i dhene emisionit pamjen e nje show-u te madh social mbi bazen e historive reale njerezore.
Pervec rubrikave ekzistuese si “Kthim mbas vitesh”, “Ironia e fatit”, “Rubrika e Morgut”, shtohet dhe “Pako kujtimesh”. Nga kontakti live ne studio i njerezve te ndare dikur ne rrethana dhe ne kohe te ndryshme synohet te arrihet nje atmosfere sa me e ngrohte dhe emocionale.
Mos ngurroni te kontaktoni, behuni dhe ju pjese e ketij misioni human. Nje telefonate e juaja mund te rilinde nje shprese dhe te riktheje buzeqeshjen e munguar ne fytyrat e pervuajtura.

Baza e te dhenave (database)
Kategorite e personave qe kerkoheshin ishin kryesisht emigrantet te cilet ishin larguar per nje jete me te mire ne drejtim te shteteve fqinje por te cilet per shkaqe dhe rrethana te ndryshme nuk kishin kontaktuar prej vitesh me familjet e tyre. Nje perqindje e madhe e ketyre personave ishin te humbur ne vitet 1990 – 1997 kohe ne te cilen Shqiperia u hap pas renies se sistemit komunist dhe perjetoi nje tranzicion te gjate. Nder rruget kryesore qe emigrantet zgjidhnin per t’u larguar nga vendi ishin:
- Nepermjet maleve duke mbartur nje rrezik te madh per jeten nga terreni i veshtire, kushtet atmosferike, policia kufitare, grabitesit e ndryshem qe mund te dilnin gjate rruges.
- Nepermjet detit me skafe apo gomone te cilat mbartnin ne bord persona jashte kapacitetit te lejuar duke u bere keshtu shkak per tragjedi te shumta.
Studimet e kryera nga Fondacioni por edhe nga burimi i informacionit qe mblidhej nga emisioni
“Njerez te humbur” strukturuan edhe me tej kategorite e personave te humbur. U arrit keshtu qe te krijohej nje database (baze te dhenash) e cila ishte me e madhja qe kishte ekzistuar ndonjehere ne Shqiperi persa u perket njerezve te humbur. Mbi bazen e mbledhjes se informacioneve ky database rritet cdo dite e me shume duke u pasuruar me raste te reja por dhe duke shtuar detaje per rastet e denoncuara me perpara. Pjese e kesaj database jane dhe te humburit e trojeve shqiptare te Kosoves, Maqedonise dhe Malit te Zi. Lufta e Kosoves ne vitin 1998-1999 la shume pasoja: njerez te humbur, te zhdukur e te paidentifikuar te cilet jane trajtuar me shume perparesi nga “Njerez te humbur”. Ky database perfshin informacione te detajuara per personat e humbur por dhe per familjaret e te njohurit e personit qe ka humbur. Mbi bazen e ketyre te dhenave jane kryer dhe statistika te ndryshme per numrin e pergjithshem te njerezve te humbur ne periudha te ndryshme, grupmoshat, gjinite, qytetet me te prekura nga ky fenomen si dhe shkaqet te cilat cojne ne humbjen e nje personi. Keto te dhena paraqiten ekskluzivisht ne emisionin “Njerez te humbur” ne menyre te vazhdueshme per te sensibilizuar opinionin publik per fenomenin dhe duke u bere nje thirrje direkte per te ndihmuar ne gjetjen e bashkeatdhetareve te humbur. Kjo database eshte prone intelektuale e Fondacionit Kombetar “Njerez te humbur dhe si e tille nuk mund te perdoret, tjetersohet, keqperdoret apo dublikohet pa lejen e posacme te ketij institucioni duke marre parasysh se familjaret e personave te humbur kane autorizuar me perpara kete Fondacion qe te merret me kerkime per te afermin e tyre.
Ne periudhen 2005 – 2008 ky fondacion ka mbledhur rreth 3000 (tre mije) denoncime per persona te humbur perfshire ketu dhe denoncimet e mberritura nga trojet shqiptare si Kosove, Maqedoni dhe Mal i Zi.

blog comments powered by Disqus

About Us

My Photo
Ylbert Durishti
View my complete profile